Gilunsad sa Department of Trade and Industry (DTI) niadtong Agosto 11 ang DTI Bagong Pilipinas AI and Scale-Up Center sa DTI Office sa Makati City.
Tumong sa maong sentro nga matabangan ang mga Filipino micro, small and medium enterprises (MSMEs) ug mga startup nga makagamit sa artificial intelligence o AI ug makapalambo sa mga bag-ong teknolohikal nga solusyon.
Pinaagi sa sentro, gidasig ang mga MSMEs ug startups nga magtinabangay, makakat-on sa paggamit sa AI, makahimo og bag-ong network, ug makakonektar sa mga mentor ug investors.
Gilauman usab nga makatabang kini sa mga negosyong Pilipino sa pagpalambo sa ilang mga produkto ug serbisyo aron mas makasulod sa global supply chains.
Importante usab nga partner sa paglunsad sa sentro ang Filipino company nga Converge Solutions ICT.
Lakip sa mga prayoridad nga sektor ubos sa Tatak Pinoy Strategy ang IT-BPM, electronics and electrical devices, ug semiconductors.
Matud sa DTI, ang mga inisyatiba sama sa AI and Scale-Up Center maghatag og dugang oportunidad sa mga negosyong Pilipino nga mag-inovate, magtinabangay, molambo ug makigkompetensya sa global market.
Photo Courtesy: x.com
