Dakpan sa mga personahe sa Tandag Component City Police Station (Tandag CCPS) ang usa ka SLI, human sa gipahigayon nga buy-bust operation niadtong Agosto 11, 2026, didto sa Purok Langka, Barangay Mabua, Tandag City, Surigao del Sur.
Gipahigayon ang maong operasyon alas 11:58 sa gabii ubos sa pagpangulo ni PLTCOL Junyd D. Marohom, ang Acting Chief of Police sa Tandag CCPS. Naila ang dinakpan nga si alyas “Takadong”, 45 anyos, ug giila sa kapolisan isip usa ka Street-Level Individual (SLI).
Narekober gikan sa suspetsado ang gituohang shabu nga motimbang og kapin o kulang tulo (3) ka gramo ug adunay gibana-bana nga Standard Drug Price nga ₱20,400.00. Ang maong kontrabando ipa-ilalom pa sa kumpirmasyon pinaagi sa forensic laboratory examination.
Kasamtangang anaa sa kustodiya sa Tandag CCPS ang suspetsado alang sa dokumentasyon ug pagsang-at sa tukmang kaso tungod sa paglapas sa Republic Act 9165 o ang Comprehensive Dangerous Drugs Act of 2002.
photo courtesy: Tandag CPS
