Nagpagawas og advisory ang Surigao del Sur II Electric Cooperative (SURSECO II) kalabot sa pagpatuman sa manual load dropping sugod karong bulana (Agosto) hangtod sa bulan sa Septiyembre.
Sumala sa electric cooperative, pipila ka lugar sa Tandag City ug sa lungsod sa Tago ang posibleng maapektuhan sa power interruption, depende sa aktuwal nga kahimtang sa power supply ug sa panginahanglan sa sistema.
Ang manual load dropping usa ka pamaagi diin temporaryong putlon ang suplay sa kuryente sa pipila ka lugar aron mapamenos ang load o kabug-at sa sistema ug malikayan ang mas grabe nga problema sa power supply.
Sa maong sitwasyon, posibleng makasinati og temporaryong pagkawala sa kuryente ang mga konsumidor sa mga lugar nga maapektuhan.
Samtang, padayon usab ang panawagan sa mga konsumante alang sa mas lig-on ug kasaligan nga power supply, ingon man sa mas epektibong koordinasyon tali sa electric cooperative ug sa mga konsumidor.
Photo Courtesy: www.surseco2.com.ph
