Nagpahigayon sulod sa 15 ka adlaw nga Government Security Force Training ang pagagamhanang probinsyal sa Bukidnon ning bulan Agosto 2026. Kini usa ka espesyal nga pagbansay nga gitumong alang sa mga personahe nga nagdumala sa seguridad sa buhatan sa kagamhanan.
Mokabat sa 60 ka mga partisipante gikan sa Provincial Governor’s Office – Provincial Detention and Rehabilitation Center (PGO-PDRC) ug PGO – Civil Security Unit (CSU) ang misalmot sa maong programa aron mapalig-on ang ilang katakos sa pagbantay ug pagpatuman sa kaluwasan sa komunidad.
Gipahigayon ang maong inisyatiba pinaagi sa Philippine Countryville Security Training Academy sa Torres Capitol College inabagan sa Regional CSU sa Philippine National Police (PNP).
Gihatagan og pagtagad ang nagkadaiyang mga pagtulun-an sama sa Firearms Regulations, Republic Act No. 11917, 11 General Orders, Gun Safety and Marksmanship, ug Basic Security Functions aron mas mapalambo ang kahibalo, disiplina, ug kapasidad sa mga personahe sa epektibong pagmintinar sa kahapsay ug kalinaw sa ilang tagsa-tagsa ka area of responsibility
Photo Courtesy:LGU – Bukidnon
