Ipatuman sa Puerto Rico ang pagbudget sa tubig sa tibuok isla isip tubag sa grabeng kainit sa lugar. Apektado niini ang liboan ka tawo nga mawad-an og tubig depende sa iskedyul.
Molungtad ang rationing hangtod sa katapusan sa Agosto. Giingon ni Puerto Rico Governor Jenniffer Gonzalez nga wala siya kahibalo kon hangtod kanus-a kinahanglan ang rationing, ug resulta kini sa climate conditions nga ilang giatubang.
Nakasinati ang San Juan, kapital sa Puerto Rico, ug kainit ug sugod pa niadtong bulan sa Hulyo. Halos 68% sa isla nag-atubang og drought conditions.
Pito ka munisipyo, lakip ang San Juan, ang maapil sa kasamtangan nga phase sa mga dunay cutoff sa tubig. Gibahin ang apektadong mga lugar sa duha ka zone nga mag-alternate og paagas sa tubig sa 48-oras nga iskedyul.
Kalabot niini, ipadala sa mga awtoridad ang water truck ngadto sa apektadong mga komunidad, ug prayoridad ang mga ospital ug long-term care facilities.
Photo Courtesy: The National Guard
