Gitunol sa Department of Social Welfare and Development (DSWD Field Office Dose), sa pakigtambayayong sa Office of the Presidential Adviser on Peace, Reconciliation and Unity pinaagi sa Peace and Development Buong Bansa Mapayapa o PDBBM–PAMANA Program, ang P1.8 milyon nga livelihood assistance alang sa unom ka community associations sa mga lungsod sa Lebak ug Kalamansig, Sultan Kudarat.
Matag asosasyon nakadawat og P300 mil nga seed capital aron makapagsugod og ilang gipiling microenterprise o panginabuhian. Sa kinatibuk-an, 126 ka benepisyaryo ang nakadawat sa maong programa, lakip ang mga kanhing rebelde, Indigenous Peoples o IPs, ug mga residente sa mga lugar nga kaniadto naapektuhan sa kagubot.
Sumala sa DSWD, tumong sa programa ang paghatag og lig-on ug malungtarong panginabuhian, aron mapalambo ang kahimtang sa panginabuhi sa mga benepisyaryo, mapakunhod ang kakabos, mapalig-on ang kalig-on sa komunidad, ug mapadayon ang kalinaw ug kalamboan sa Sultan Kudarat pinaagi sa pagpalig-on sa social reintegration ug community-driven development
Photo Courtesy: DSWD FO12
