Nanawagan ang Palasyo alang sa mas tukmang impormasyon alang sa publiko bahin sa kontrobersyal nga Pax Silica program, ilabina sa nagpadayon nga petisyon batok niini.
Sumala ni PCO Undersecretary ug Palace Press Officer Atty. Claire Castro, mas maayong masabtan una sa mga Pilipino ang mga detalye sa programa aron makahimo og husto nga paghukom bahin sa isyu.
Gihisgutan kini atol sa press briefing niadtong Huwebes, Agosto 6, human makatigom ang petisyon batok sa Pax Silica og kapin 387,000 ka napamatud-ang pirma.
Ang mga grupo nga misupak sa programa nagpahayag og kabalaka sa posibleng epekto niini sa kalikopan, suplay sa kuryente ug tubig sa nasud.
Photo Courtesy: PNA
