Nahulog sa kamot sa kapulisan ang usa ka street level indibvidwal atol sa gikasang buy-bust operation didto sa Manay, Davao Oriental pasado alas 7:05 sa buntag niadtong Agosto 5, 2026.
Ang mga operatibang naglusad sa maong operasyon nakasakmit ug gibanabanang 1.5 gramos sa gituohang shabu nga adunay Standard Drug Value Price nga ₱10,200.00, ug lakip usab sa nakumpiska ang uban pang mga ebidensya nga may kalabotan ug walay kalabotan sa droga.
Gihingusgan ang buy bust operation pinaagi sa pagpanguna sa mga personahe sa Manay Municipal Police Station, kauban ang lain pang mga operating units.
Human sa pagdakop, ang akusado gipahibalo sa iyang mga katungod ayha paman gidala sa kustodiya sa kapulisan alang sa tukmang disposisyon ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Photo Courtesy: Manay MPS
