Mikantidad sa ₱64,200.00 ang gipang-ibot ug gipangsunog nga 321 ka punuan sa giisip nga fully grown marijuana didto sa Sitio Talahidan, Barangay Caburacanan, Malaybalay City Bukidnon kagahapon Agosto 6, 2026.
Gilunsad ang maong internal driven security/combat operation sa mga personahe gikan sa 1st Bukidnon Provincial Mobile Force Company (PMFC) ug Malaybalay City Police Station, uban sa pakigtambayayong sa Provincial Intelligence Unit sa Bukidnon PPO.
Aron masaksihan ang integridad sa aksyon, gitan-aw ang inventory sa usa ka lalaking Barangay Kagawad nga miyembro usab sa Committee on Peace and Order ug Committee on Education sa nahisgutang lugar.
Sa katapusan sa operasyon, gidali og sunog sa dapit ang 311 ka punuan sa marijuana, samtang ang 10 ka punuan gitugyan sa Provincial Forensic Unit sa Malaybalay City alang sa laboratory examination. Padayon karon ang lawom nga imbestigasyon sa kapolisan pagtumbok sa posibleng nagpaluyo sa maong pagpananom sa marijuana
Photo Courtesy: Malaybalay City Police Station
