Mikunod ngadto sa P8.31 matag kilowatt hour ang presyo sa kuryente sa spot market sa nasud niadtong buwan sa Hulyo, usa ka 13 porsiyentong pagkunhod tungod sa ubos nga demand sa kuryente. Ang maong pag-usab sa presyo sa suplay sa Hulyo makita sa bayranan sa kuryente sa mga konsumidor karong buwan sa Agosto.
Sumala sa Independent Electricity Market Operator of the Philippines (IEMOP) ang Luzon nakarekord sa labing ubos nga rate nga P7.30/kwh gikan sa P7.95/kwh sa miaging bulan.
Bisan pa og miubos usab ang presyo sa Visayas ug Mindanao, nagpabilin nga anaa sa double-digit nga lebel nga P11.29/kwh ug P10.39/kwh. Ang IEMOP mao ang nagdumala sa Wholesale Electricity Spot Market diin nagbaligya ug nagpalit og kuryente, ang mga power producers ug distributors aron nga masiguro ang suplay sa enerhiya.
Photo Courtesy: National Association of REALTORS
