Mas duol na sa iyang unang world title shot ang Filipino boxer nga si Miel “Silent Assassin” Fajardo human gimando sa International Boxing Federation (IBF) nga depensahan sa reigning flyweight champion nga si Masamichi Yabuki sa Japan ang iyang korona batok sa undefeated nga Pinoy contender.
Gihatagan sa IBF ang duha ka kampo hangtod Agosto 23 aron magkasinabot sa sangka. Kon mapakyas ang negosasyon, ipadayon ang purse bid subay sa lagda sa IBF.
Si Fajardo, nga maoy No. 1 flyweight contender sa IBF, nakab-ot ang mandatory title shot human gipilde pinaagi sa first-round technical knockout si Tobias Jeremias Reyes sa Argentina niadtong Abril. Nakatala siya og 14 ka kadaogan, 12 niini pinaagi sa knockout, tulo ka kapildihan ug duha ka draw.
Samtang si Yabuki mosulod sa posibleng world title fight nga adunay rekord nga 20 ka daog, upat ka kapildihan, ug 18 ka knockout, ug usa ka three-time world champion sa duha ka weight divisions.
Photo courtesy:Filipino Brothers
