Nakapukaw sa atensyon sa daghang netizens ang usa ka talagsaong talan-awon diin usa ka “sloth” ang nakita nga nagkupot ug nagpanalipod sa usa ka gamayng iro atol sa grabeng pagbaha sa Brazil.
Sumala sa mga report, nadiskubre sa mga rescuers ang sloth ug ang iro nga nagginaksanay, samtang naghulat og tabang taliwala sa misaka nga tubig-baha.
Bisan wala pa’y kasiguruhan nganong nagtapad ang duha ka mananap, daghan ang mitan-aw niini isip usa ka makapatandog nga higayon sa kinabuhi ug panaghiusa panahon sa kalamidad.
Luwas nga nakuha sa mga rescuers ang sloth ug ang iro ug gidala sila sa usa ka lugar diin maatiman ug mapanalipdan human sa pagbaha.
Photo Courtesy: StoryTime
