Nasakmit sa Pilipinas ang usa gold ug usa ka bronze medal sa youth mixed pair event sa 10th Aero Gymnastics Asian Championships nga gihimo sa Tagaytay CT Velodrome.
Nasungkit nila Rhimel Daniel Cabides ug Antonette Amante ang gold medal human makaiskor og 17.80 points. Samtang bronze usab ang na-angkob nila Rhys Enoch Balmayor ug John Mikaela Ladaran nga adunay 17.150 points.
Parehong unang higayon nga nakatindog sa international competition ang duha ka pares nga matud pa dakong garbo ilang gibati sa pagkadungog atol sa awarding.
Gipasalamatan usab ni Coach Carlo Joshua Tangonan ang Gymnastics Association of the Philippines tungod sa oportunidad nga mapakita sa mga batan-ong atleta ang ilang talent. Ang gold medal sa Pilipinas napildi sa Vietnam pinaagi sa mas taas nga execution score bisan pa man nga pareho sila og total nga 17.80 points.
Photo Courtesy: Tiebreaker Times
