Patay ang usa ka 59-anyos nga barangay tanod human aksidenteng nibuto iyang kalibre 45 nga armas nga nahitabo sa may Purok 4, Barangay Libertad, Dimataling, Zamboanga del Sur, Agosto 6, 2026.
Sa inisyal nga imbestigasyon sa kapulisan, nagtagay pa ug ilimnong makahubog ang biktima uban iyang pag-umangkon ug gikatahong nagpabuto igo sa ibabaw nga bahin ang biktima sa dalang pusil.
Sa dihang iyang gipahimutang balik sa sulod sa iyang pantalon, aksidente kini nga nahilaman niya balik ug nibuto hinungdan sa iyang pagka-angkon ug grabeng samad pinusilan nga hinungdan sa iyang hinanaling kamatayon.
Gidala pa ang biktima sa pinakaduol nga tambalanan apan gideklarang declared dead on arrival sa attending physician. Narekober sa dapit nahitabuan ang usa ka caliber .45 pistol ug ang magazine nga may upat ka buhing bala ug duha ka fired cartridge cases.
Giplastar na sa kabanay ang patay’ng lawas sa biktima aron kini mapahiluna sa katapusang kapahulayan.
Photo Courtesy: ZSPPO
