Giklaro sa City Social Welfare and Development Office (CSWDO) Pagadian nga dili na bag-o ang polisiya nga nagkinahanglan og DOLE Working Child Permit ang mga bata nga nag-edad 15 anyos paubos nga moapil sa media, public entertainment, advertisements ug online content creation.
Matud ni CSWDO Head Evageline Poquita, dugay na kining gilatid sa balaod aron mapanalipdan ang katungod, kaluwasan ug kaayohan sa mga kabataan, ayha pa ang bag-ong DOLE Labor Advisory No. 12 Series of 2026 nagpasabot ug nagpalig-on lamang sa pagpatuman sa maong mga lagda.
Gipahinumdoman usab ni Poquita nga ang mga ginikanan, employers, advertisers, content creators, ug production organizers adunay responsibilidad sa pagkuha una og Working Child Permit sa dili pa paapilon ang mga bata sa mga kalihokan nga adunay sakop sa advisory.
Alayon niini, gidasig ni Poquita ang mga ginikanan o legal guardian sa ilang responsibilidad sa pagsunod sa Republic Act No. 9231 ang balaod sa Special Protection of Children Against Child Abuse, Exploitation and Discrimination Act, alang sa mga batang nagtrabaho ubos sa ilang responsibilidad.
