Mas lingaw ang Kadayawan Festival 2026 sa Davao City human gikumpirmar nga mosalmot ang pipila ka Kapamilya stars sa Kadayawan Kapamilya Festival karong Agosto 15, alas-5:00 sa hapon sa Gaisano Mall of Toril.
Lakip sa mga moatubang sa entablado sila Seth Fedelin, Francine Diaz, ug Alexa Ilacad. Mokuyog usab sa maong kalihokan ang TNT Duets champions nga sila JM Dela Cerna ug Marielle Montellano, ingon man ang kanhi Pinoy Big Brother housemates nga sila River Joseph ug Kolette Madelo.
Mopasundayag usab ang P-pop group BGYO, nga gilauman nga mopadugang sa kasadya sa kasaulogan sa Kadayawan Festival 2026 sa Davao City.
Photo Courtesy: ABS-CBN
