Giawhag sa Malacañang ang publiko nga mahimong mabinantayon og dayong isumbong ang bisan unsang iregularidad nga mahitabo sa nagpadayong pagpanghatag sa Local Government Support Fund (LGSF) assistance nga gipangulohan ni Pangulong Ferdinand R. Marcos Jr.
Matud ni Palace Press Officer Undersecretary Claire Castro, ang mga reklamo bahin sa anomalya sa pagpanghatag sa ayuda kinahanglan dayong ipahibalo sa tagsa-tagsang lokal nga panggamhanan aron dali kining maatiman ug maaksyunan. Lakip sa mga gireklamo ang mga benepisyaryong nakadawat og mas mubo sa gitakdang 10 ka kilo nga libreng bugas, bisan pa og kwalipikado sila sa programa.
Gipasalig usab ni Castro nga seryosohon sa administrasyon ang tanang reklamo ug dili pasagdan ang bisan kinsang mapamatud-ang naglapas o nangabuso sa hustong implementasyon sa maong programa.
Photo Courtesy: PCO
