Gipalig-on sa Davao City Police Office (DCPO) ang pagpatrolya ug pagpahigayon og high-visibility checkpoints sa mga nag-unang kadalanan sa siyudad aron mapugngan ang ilegal nga drag racing ug uban pang kalapasan sa trapiko.
Lakip sa mga gibantayang lugar ang Davao–Bukidnon Road, Diversion Road, MacArthur Highway, ug coastal road extensions, ilabina gikan sa alas 11:00 sa gabii hangtod alas 4:00 sa kadlawon, diin kasagarang ginahimo ang ilegal nga lumba.
Gipakusgan usab sa DCPO ang koordinasyon sa mga barangay pinaagi sa pag-apil sa Barangay Tanod ug mga residente aron dali nga ma-report ang mga kahulip nga panagtapok nga posibleng may kalabotan sa drag racing.
Gipasabot sa kapulisan nga dili tugotan ang paggamit sa mga pampublikong dalan alang sa ilegal nga lumba ug pasakaan og kaso ang mga mapamatud-ang nagbutang sa peligro sa kinabuhi sa ubang mga motorista ug publiko.
Photo Courtesy: Politiko
