Nanawagan ang National Grid Corporation of the Philippines (NGCP) ug mas dakong investments sa mga baseload power plants gikan sa lokal nga panggamhanan aron matubag ang nagpadayong taas nga demand sa kuryente sa Visayas.
Matud sa NGCP, natala niadtong Mayo 14 ang pinakataas nga konsumo sa kuryente sa Visayas nga miabot sa halos 2,780 megawatts ug gumikan niini gikinahanglang pang magdugang ug supaly sa kuryente gikan sa Luzon ug Mindanao aron matubag ang panginahanglan sa mga consumer.
Gikaingon sa NGCP nga kadaghanan sa mga Yellow Alert ug Red Alert sa Visayas nagbunga ug dinaliang pag-undang sa operasyon sa pipila ka mga power plants gumikan ang pagdeklara ug yellow alert nagpasabot nga gamay na reserba sa suplay sa kuryente.
Samtang ang Red Alert nagpasabot nga kulang na ang produksyon sa kuryente nga posibleng magresulta sa rotational brownout. Gipasabot sa NGCP nga bisan padayon ang paggamit sa renewable energy sama sa solar power, dili pa gihapon kini igo aron masiguro ang padayon nga suplay sa kuryente ilabina kon may nahuman nga daut nga panahon.
Gumikan niini, nanawagan ang NGCP sa panggamhanan ug mga pamahalaan at mga lokal nga opisyal nga suportahan ang pagpabarog sa mas daghang baseload power plants o mga planta nga mahimong maghatag sa nagpadayon nga suplay sa kuryente bisan unsang orasa.
Photo Courtesy: Philippine News Agency
