Gibalusan sa China ang Estados Unidos pinaagi sa pagpatuman og sanctions batok sa pipila ka mga produkto ug kompanya sa US. Sumala sa Chinese Ministry of Commerce, naapil sa sanctions ang pipila ka biotech ug resource analytics firms. Gihugtan usab sa China ang export controls sa mga drone, mga piyesa niini, ug uban pang teknolohiya.
Unom ka kompanya gikan sa US ang gidugang sa countermeasures list sa China isip tubag sa mga lakang nga gipatuman sa Amerika.
Matud pa, una nang gidid-an sa US ang 43 ka Chinese companies nga makasulod sa ilang merkado tungod sa alegasyon sa human rights abuses batok sa Uyghur ug ubang minority groups.
Gilauman usab nga mahitabo ang pagbisita ni Chinese President Xi Jinping sa Estados Unidos sa sunod bulan aron makigpulong kang US President Donald Trump, bisan pa sa nagpadayong tensyon sa relasyon sa duha ka nasod.
Photo Courtesy: Public Reading Rooms
