Giawhag ni Konsehal ALBERTO ALCORIZA ang mga kababayen-an nga mahimong mas maisugon sa pag-awhag sa ilang mga bana nga mohunong sa panigarilyo aron mapanalipdan ang ilang panglawas ug ang ilang pamilya.
Kini atol sa pagtuki sa Draft Ordinance No. 067 – Institutionalizing a Local Cancer Prevention and Control Program for the Municipality of Ipil sa hawanan sa konseho nga giduso ni Sb Member Dr Dianne Cataluna.
Gipadayag nga daghang kaso sa canser, ilabina sa breast cancer ug uban pang matang sa sakit sa kababayen-an, posibleng nalambigit sa dugay nga pagkaexposed sa second-hand smoke gikan sa mga bana nga kusog manigarilyo.
Gipahinumdoman usab nga ang second-hand smoke mahimong mas delikado kaysa sa aktuwal nga pagpanigarilyo tungod kay makaapekto kini sa mga miyembro sa pamilya, lakip na ang asawa ug mga anak.
Busa, giingon nga importante ang pagpalig-on sa kababayen-an aron makasulti sa ilang mga bana nga mohunong sa panigarilyo, tungod kay ang aso sa sigarilyo dili lamang makadaot sa nanigarilyo kondili usab sa tibuok pamilya.
Photo Courtesy: Getty images
