Mga kajunader, kung abi ninyo nga ang sikreto sa pagdaog sa karera kay kusog nga tiil ug lig-on nga baga, sa ubang nasud lahi na diay! Nagkagubot karon ang women’s Tour de France human adunay alegasyon nga ang ubang cyclists nagbutang og extra padding sa ilang bra aron kuno mahimong mas aerodinamiko ug mas paspas ang ilang dagan.
Matud sa mga eksperto, ang dugang nga padding mahimong makapamenos sa hangin nga mosukol sa lawas. Bisan gamay ra matud pa nga porsyento ang kalainan, dako na kini sa usa ka kompetisyon diin ang kada segundo importante.
Tungod niini, napugos ang mga organizer sa Tour de France nga maghimo og dugang inspeksyon sa mga sinina sa mga atleta. Apan sa social media, mas daghan ang nangatawa kaysa nangabalaka.
Usa ka netizen miingon, “Abi nako’g mag-check ra sila og bisikleta, apil man diay karon ang bra sa technical inspection!” Samtang usa pa ka komentarista miingon, “Sunod ani basin naay category nga Best Supporting Actress kay daghan na kaayong support system!”
Sa pagkakaron, wala pay napamatud-ang nakalapas sa lagda, apan klaro nga sa kalibotan sa sports, bisan ang bra mahimong mahimong isyu sa kompetisyon.
Photo courtesy: The Independent
