Nagpasidaan ang United Nations World Food Programme (WFP) nga ang nagkakusog nga El Niño mahimong mosangpot sa dugang 49 milyon ka tawo nga makasinati og grabeng kakulang sa pagkaon sa katapusan sa 2027.
Sumala sa WFP, mahimong mosaka gikan sa 225 milyon ngadto sa 274 milyon ang ihap sa mga tawo nga maapektuhan sa gutom sa 45 ka nasod nga nakigbisog na sa kakulang sa pagkaon.
Matud ni WFP Acting Executive Director Carl Skau, ang El Niño nagdala og dakong hulga sa pagkaon ug panginabuhi sa milyon-milyong tawo pinaagi sa grabeng pagbaha, hulaw, ug taas nga temperatura. Gipakita sa WFP nga ang pinakagrabeng epekto gilauman sa Central America, Southern Africa, Eastern Africa, ug South ug Southeast Asia.
Photo courtesy: Medium
