Pormal nga gi-turnover sa Provincial Government of Bukidnon (PGB) ang tulo ka brand-new nga ambulansya alang sa tulo ka pampublikong ospital sa lalawigan human sa gipahigayon nga blessing niadtong Agosto 3, 2026, sa Kaamulan Capitol Compound, Malaybalay City.
Gipangunahan sa Provincial Economic Enterprise Development and Management Office (PEEDMO) ug Provincial General Service Office (PGSO) ang pagtunol sa mga ambulansya ngadto sa Bukidnon Provincial Hospital (BPH)-Talakag, BPH-Malitbog, ug BPH-Maramag.
Ang matag unit sa ambulansya kompleto ug gipasangkapan sa mga importanteng medical equipment and instruments sama sa ambulance collapsible stretcher, automatic external defibrillator (AED), nebulizer with kit, portable suction machine, scoop stretcher, ug uban pa.
Subay sa pangagamhanang probinsyal, ang maong inisyatibo kabahin sa ilang padayong paningkamot nga mapalig-on ug mapauswag ang paghatag og serbisyong panglawas sa katawhan, partikular na sa pagtubag sa nahaunang gipadayag nga mga panginahanglanon sa maong mga ospital
Photo Courtesy: LGU Bukidnon
