Naningkamot karon ang Roads and Traffic Administration (RTA) nga makunhoran ang kabug-at sa dagan sa trappiko sa may National Highway Brgy. Bugo, Cagayan de Oro City.
Atol sa gipahigayong Meet the Press sa Cagayan de Oro, giklaro ni RTA Acting Assistant Department Manager for Traffic Operations, Benedicto Ramiro nga bisan paman sa daghang pangutana ug nagreklamo sa kabug-at sa dagan sa trapiko sa Brgy. Bugo naning kamot matud pa sila nga makunhoran kini.
Gisulayan nila ang Burak System sa dalan apan dili gihapon kini epektibo. Department of Public Works and Highways (DPWH) matud pa ang adunay tahas nga masulbad ang dalan, busa mihangyo sila nga mas mapalapdan ang dalan hilabi na nga kaniadto 3 lanes lang kini apan karon 1 lane nalang.
Usa sa ilang girekomendar sa DPWH sa temporary nga paghatag solusyon sa problema ang pagbutang ug barrier sa approaching area kung asa ang nay problema aron macontrol ang pag-abante sa sakyanan.
