Giklaro ni Barangay 23 Chairman Jaime Frias sa Cagayan de Oro City, nga adunay mga bentaha ug disbentaha ang gisugyot nga pagpalangan sa Barangay ug Sangguniang Kabataan Elections (BSKE) hangtod sa tuig 2028.
Kini human iduso ni Deputy Speaker Bambi Emano, ang pag-uswag sa eleksyon gikan sa Nobyembre 2, 2026 ngadto sa kataposang Lunes sa Nobyembre 2028 pinaagi sa House Bill 10591, diin usa siya sa mga principal authors.
Matud ni Frias, ang dugang nga termino mahimong makatabang sa mga barangay officials nga adunay epektibong mga programa ug proyekto aron mapadayon ug mahuman ang ilang mga inisyatibo alang sa komunidad.
Apan giingon usab niya nga mahimong taas ra kaayo ang panahon alang sa mga opisyal nga wala nakahatag og maayong serbisyo sa ilang mga konstituwente.
Padayon karon nga gihisgutan sa Kongreso ang sugyot nga nagtumong sa pag-usab sa iskedyul sa Barangay ug Sangguniang Kabataan Elections sa nasud.
Photo courtesy: DILG
