Dakpan ang usa ka lalaki kinsa naila nga Top 6 Most Wanted Municipal Level ug Top 10 Most Wanted Provincial Level pinaagi sa gilusad nga joint law enforcement operation sa kapulisan sa Barangay Poblacion North, Polanco, Zamboanga del Norte niadtong Agosto 4, 2026.
Giila ang dinakpan nga si alyas Ondoy, 48 anyos, kinsa gisikop pinasikad sa warrant of arrest sa kasong Lascivious Conduct nga gipagula ni Nestor Rambulan Angeles, Presiding Judge, Family Court, Branch 3, Ninth Judicial Region, Dipolog City, Zamboanga del Norte pinetsahan ug Agosto 3, 2026.
Adunay girekomendar nga pyansa ang korte nga mokabat sa Php200,000.00 alang sa iyang temporaryong kagawasan. Gipangunahan ang maong operasyon sa mga personahe sa Tracker Team of Polanco Municipal Police Station kauban ang 1st Provincial Mobile Force Company (1st PMFC).
Human nadakpan, gidala ang akusado ngadto sa kustudiya sa Polanco MPS alang sa tukmang disposisyon.
Photo Courtesy: Polanco MPS
