Nagpabiling, anaa sa pinakataas nga lebel sa pagkaandam ang pwersang militar sa Estados Unidos bisan pa sa desisyon ni Donald Trump nga ipagpaliban ang gitakdang operasyon batok sa Iran. Sumala kang Pete Hegseth, ang kasamtangang kahimtang sa militar sa US maoy usa sa labing taas nga lebel sa pagkaandam sukad pa sa World War II.
Matud ni Hegseth, bisan wala dayon ipadayon ang plano nga pag-atake, wala gihapon gipaluya ang kahimtang sa mga tropa. Padayon silang giandam alang sa bisan unsang misyon nga mahimong ipatuman sa bisan unsang higayon, ilabina tungod sa nagpadayon nga tensyon sa Tunga-tungang Sidlakan.
Giingon usab sa administrasyon sa Estados Unidos, nga wala pa kini magtakda og katapusang deadline alang sa Iran sa mga nagpadayon nga diplomatikong panaghisgot. Apan, gipasabot nga andam silang mohimo dayon og aksyon kon makita nga adunay hulga sa seguridad ug nasudnong interes sa Amerika.
Photo Courtesy: LA Times
