Nagpasidaan ang mga mamumuhunan nga posibleng mosaka pa ang presyo sa mga palaliton human misaka pag-usab ang presyo sa lana tungod sa nagkagrabeng tensyon sa Middle East.
Base sa mga report, ang nagpadayon nga tensyon tali sa Estados Unidos ug Iran nakahatag og kabalaka sa kalibutang merkado, ilabina sa posibleng epekto niini sa suplay sa lana sa rehiyon.
Tungod niini, misaka ang gasto sa pagpangutang sa pipila ka mga nasud sa Europe samtang gilauman sa mga trader ang mas hugot nga mga lakang sa European Central Bank aron pugngan ang inflation. Samtang, mikunhod usab ang pipila ka mga stocks sa Europe human wala maabot sa STMicroelectronics ang gilaumang kita, samtang gisubay usab sa mga mamumuhunan ang dugang pamuhunan sa Alphabet sa artificial intelligence (AI).
Photo Courtesy: EBC Financial Group
