Nadakpan ang duha ka mga indibidwal sa mga otoridad sa gilusad nga drug buy-bust operation niadtong Hulyo 22, 2026 didto sa Manay, Davao Oriental.
Ang operasyon gihimo sa mga personahe sa Manay Municipal Police Station, ubos sa pagpanguna ni PMAJ ROSS C CABIGAS, COP, kauban ang laing law enforcement units nga miresulta sa pagkasikop sa duha ka drug suspek.
Atol sa operasyon nakuhaan ang mga dinakpan ug mga pakete sa illegal nga droga o mas nailhang shabu nga gibana banaang mutimbang sa 2 gramos ug adunay Standard Drug Price nga ₱13,600.00, uban sa marked buy bust money ug lain pang mga ebidensiya maykalabotan sa maong operasyon.
Human niini gipasabot ang mga akusado sa ilang mga katungod pinaagi sa pinulongan nga ilang nasabtan ug nahibal-an. Sa pagkakaron anaa na sa kustodiya sa Manay Municipal Police Station ang mga suspetsado ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Photo Courtesy: Manay MPS
