Giila sa Guinness World Records si Elaine Davidson isip tawo nga adunay pinakadaghang body piercing sa kalibutan, nga mikabat sa kinatibuk-ang 6,005 ka mga piercing.
Kahinumdoman nga niadtong 2000, adunay 462 ka piercing si Davidson, diin 192 niini anaa sa iyang nawong. Paglabay sa siyam ka tuig, misaka ang ihap sa iyang mga piercing ngadto sa 6,005, lakip na ang kapin sa 1,500 nga anaa sa sulod nga bahin sa iyang lawas.
Bisan pa sa iyang talagsaong rekord, gibutyag ni Davidson nga dili siya malingaw sa pagpabutang og piercing ug giingon nga giantos lamang niya kini aron makab-ot ang maong world record. Matod pa niya nga dili usab hilig sa tattoo ug piercing ang iyang pamilya.
Sa pagkakaron, si Davidson usa ka nars nga nagpuyo sa Edinburgh ug nagdumala usab sa usa ka piercing studio.
Photo Courtesy: Wikipedia
