Mas dako ug mas engrande ang gisaad nga selebrasyon sa Kadayawan Festival 2026 human gibutyag sa Davao City Tourism Office nga gipadak-an ang pondo ug gidugangan ang mga kalihokan alang sa kasaulugan karong tuig.
Sumala ni Davao City Tourism Office Acting Head Willenito Tormis Jr., mokabat sa ₱68 milyon ang gigahin sa lokal nga panggamhanan alang sa festival, nga mas dako kumpara sa miaging mga tuig.
Dugang pa niya, adunay 26 ka opisyal nga mga kalihokan ang gilatag, lakip ang pipila ka mga aktibidad nga gibalik aron mas malingaw ang mga residente ug mga bisita.
Pormal nga ablihan ang Kadayawan Festival 2026 sa Agosto 7, diin gilauman ang pagdagsa sa mga turista sa maong kasaulugan nga giila isip labing dakong festival sa Mindanao.
Photo Courtesy: Lakbay Pinas
