Nasubo ang mga fans sa Hollywood ug sa MonsterVerse human gikumpirmar ang kamatayon sa 18-anyos nga aktres nga si Kaylee Hottle, nga nailhan sa iyang papel isip Jia sa mga blockbuster nga pelikulang “Godzilla vs. Kong” ug “Godzilla x Kong: The New Empire.”
Sumala sa mga report, namatay si Hottle human malambigit sa usa ka grabeng aksidente sa sakyanan sa Maryland, USA, niadtong Martes, Hulyo 21, 2026. Pasahero siya sa sakyanang gimaneho sa usa ka 19-anyos nga lalaki sa dihang misimang kini sa dalan ug mibangga sa usa ka culvert.
Gidali pa og dala sa ospital ang batan-ong aktres, apan wala na kini maluwas tungod sa grabeng mga samad nga iyang naangkon. Base sa inisyal nga imbestigasyon sa mga awtoridad, gituohang sobrang tulin ang usa sa mga posibleng hinungdan sa aksidente.
Nailhan si Kaylee Hottle isip usa ka Deaf actress nga nakahatag og inspirasyon sa daghang tawo pinaagi sa iyang talento ug pagpakita sa representasyon sa Deaf community sa dagkong pelikula sa Hollywood. Ang iyang kalit nga pagtaliwan nagbilin og dakong kasubo sa iyang pamilya, mga kauban sa industriya, ug sa milyon-milyong fans sa tibuok kalibotan.
Photo Courtesy: The cut
