Mokabat sa 152 ka mga interns ang nakapahimulos sa Government Internship Program (GIP) sa Department of Labor and Employment (DOLE) Zamboanga del Sur nga naka-aasign na sa nagkalain-laing LGUs ug uban pang mga ahensya sa gobyerno.
Kini ang giingon ni DOLE Zamboanga del Sur Provincial Director Aileen Mondejar atol sa pakighinabi sa Juander Radyo News Team niining bag-o. Segon ni Mondejar, pinaagi sa maong programa, ang mga interns gihatagan ug oportunidad nga makasinati ug trabaho diha sa mga ahensya sa gobyerno aron mapalambo ang ilang kahibalo ug kahanas sa pagpanarbaho.
Ang GIP usa ka programa sa DOLE nga nagtumong sa paghatag og temporaryong trabaho alang sa mga kabatan-onan ug mga kwalipikadong aplikante.
Dugang pa niya, ang ilang nakat-unan sa panahon sa internship mahimong dakong tabang sa ilang career development ug sa ilang pagpaningkamot nga makasulod ug pormal nga trabaho sa umaabot nga mga panahon.
Photo Courtesy: DOLE ZAMBOANGA DEL SUR
