Nagplano ang Energy Regulatory Commission (ERC) nga ipaubos ang price cap sa power reserves nga gibaligya sa Wholesale Electricity Spot Market (WESM).
Sa draft resolution sa ERC, gisugyot nga himuong P9 kph ang pinakataas nga presyo sa ancillary services o reserve power, nga mas ubos kaayo kumpara sa kasamtangang interim cap nga P25 kph.
Ang reserve power maoy gigamit isip backup supply aron mapadayon ang balanse sa suplay ug demand sa kuryente kung adunay kalit nga kakulang o pagsaka sa konsumo.
Sumala sa ERC, ang mas ubos nga price cap mag-agni ug dugang power generators alang sa long-term supply agreements, nga makatabang sa pagpalig-on sa suplay sa kureyente.
Kon maaprubahan, gilauman nga makatabang kini sa pagpugong sa pagsaka sa ancillary service charges ug mahimong mas barato ang balayranan sa mga electric consumers.
Photo Courtesy: Custom truck one source
