Gikatakdang magsugod sa Hunyo 1, 2027 ang pormal nga pagdungog sa kaso batok sa kanhing Presidente sa Venezuela nga si Nicolás Maduro ug sa iyang asawa nga si Cilia Flores sa federal court sa New York. Sa wala pa ang maong preliminary ug pormal nga pagtaral, magpahigayon una og pre-trial hearing sa Nobyembre 17, 2026 si New York Judge Alvin Hellerstein aron paminawon ug tun-an ang mga legal nga mosyon nga iduso sa matag kampo.
Gipahayag sa abogado ni Maduro nga si Atty. Barry Pollack nga ilang supakon ang pagpadayon sa kaso gamit ang argumento nga protektado ang iyang kliyente sa sovereign immunity isip kanhing head sa estado. Dugang pa niini, kuwestiyunon usab sa ilang depensa ang legalidad sa gipahigayong operasyon sa militar sa Estados Unidos sa Caracas nga nagresulta sa pagkaaresto sa magtiayon.
Nag-atubang sila si Maduro ug Flores og bug-at nga mga akusasyon gikan sa mga piskal sa Estados Unidos sama sa drug trafficking, narco-terrorism, ug weapons offenses—mga kasong gidumili ug gilimod sa magtiayon. Kung mapamatud-an sa korte nga sila sad-an sa maong mga krimen, posibleng mag-atubang ang duha og silot nga matagamtaman nga life imprisonment o reclusion perpetua sa pasilidad sa Estados Unidos
Photo Courtesy: DW.com
