Gihimo karon sa Department of Social Welfare and Development (DSWD) ang tibuok-panahon nga pagbantay sa mga komunidad nga posibleng maapektuhan sa pag-igo sa Bagyong Kiyapo, ilabina sa bahin sa Northern Luzon.
Unang giisa sa DSWD-Disaster Response Command Center (DRCC) ang ‘blue alert status’ aron masiguro ang paspas nga pagtubag, koordinasyon sa ubang ahensya sa gobyerno, mga lokal nga kagamhanan, ug mga field office sa nasud.
Pinaagi sa maong alerto, 24/7 nga gina-monitor ang mga lugar nga naa sa peligro samtang gipailalom usab sa heightened alert ang tanang DSWD Field Offices alang sa daling pagpalihok sa ilang Quick Response Teams (QRTs). Gawas niini, gi-activate na usab ang Camp Coordination and Camp Management (CCCM) operations alang sa mga ipahimutang nga evacuation centers ug bakwitanan.
Sa wala pa man nisulod ang bagyo, nakapahimutang na ang ahensya og mga Food ug Non-Food Items (FNFIs) sa mga estratehikong dapit. Gisiguro usab sa DSWD nga striktong ipatuman sa mga regional office ang mga lakang alang sa paghatag og direktang proteksyon sa mga Internally Displaced Persons (IDPs) ug sa mga pamilyang kinahanglang ilikas gikan sa peligro
Photo Courtesy:DSWD
