Mihangyo ang Department of Agriculture (DA) og ₱250-bilyones pesos nga budget para sa tuig 2027 aron mapakusog ang seguridad sa pagkaon, panginabuhian sa mga mag-uuma ug mananagat, ug ang kalig-on sa ekonomiya sa nasud.
Sa Food Security Forum nga gipahigayon sa Makati, gibutyag ni Agriculture Secretary Francisco Tiu Laurel Jr. nga ang sugyot nga pundo mas taas kumpara sa ₱215 bilyon karong 2026 ug halos doble na kon itandi sa ₱117 bilyon lamang noong 2022.
Gipatin-aw sa kalihim nga kinahanglanon ang mas dako nga pundo tungod sa pagkunhod sa ambag sa sektor sa agrikultura sa gross domestic product (GDP)—gikan sa 19% niadtong 2005 hangtod sa 7.9% na lamang paglabay sa duha ka dekada—nga resulta sa dugay nang kakulangon sa pamuhunan.
Kung maaprubahan, igahin ang maong budget sa farm mechanization, irigasyon, research, cold-chain facilities, digital infrastructure, ug post-harvest systems aron mapataas ang produksyon sa mga produktong agricultural ug mapakunhod ang presyo sa pagkaon sa merkado
Photo Courtesy:Department of Agriculture Food Security Forum
