Gipasabot ni Palace Press Officer Claire Castro nga wala siya magsang-at og reklamo batok sa mga Pilipinong rallyista nga nisaway ug mikontra kaniya atol sa opisyal nga pagbisita ni Presidente Ferdinand Marcos Jr. sa Vancouver, Canada.
Matod ni Castro, wala sila magsumbong ug wala usab sila mahibalo kon adunay himuong aksyon ang Philippine Embassy, ang ambassador o ang consul general sa Canada batok sa mga rallyista.
Giingon usab niya nga wala nila gipagawas ang ilang mga video sa nahitabo aron dili na kini modako pa ug mapadako ang isyu. Bisan pa niini, gipasabot ni Castro nga wala siyay gidumtan sa mga rallyista. Apan iyang giingong dili angay palabyon ang pagpamalikas ug ang pag-ampo nga adunay mamatay, ug nagpasidaan nga dili kini angay mahimong panig-ingnan sa ubang mga Pilipino.
Mitubag usab si Castro sa pahayag ni Senador Robin Padilla nga kinahanglan dili siya mahimong balat-sibuyas isip usa ka opisyal sa gobyerno.
Matod niya, dili siya dali masuko ug mas maayo kon ang maong tambag iaplikar usab sa kaugalingon sa senador, ilabina sa mga higayon nga adunay mga opisyal nga masuko tungod lamang sa pagtaas sa tingog o pagputol sa ilang pagsulti.
Sa katapusan, gihangyo ni Castro ang mga opisyal sa gobyerno nga mahimong maayong ehemplo sa publiko pinaagi sa paglikay sa pagmura ug sa pagtinguha og daotan batok sa isigkaingon.
Photo Courtesy: PCO
