Nakit-an ang lawas sa usa ka wala pa mailhing lalaki sa daplin sa sapa sa Purok 5, Barangay Buenavista, Bansalan, Davao del Sur, kagahapon, Hulyo 7, 2026 nga naa na sa advanced state of decomposition.
Sumala sa usa ka residente nga nakadiskubre sa lawas, naglakaw siya padulong sa kasikbit nga barangay sa dihang nakapanimaho siya og isog ug dili maayong baho.
Iyang gisubay ang baho hangtod iyang nakaplagan ang nagkadunot nang lawas sa usa ka indibidwal. Matod sa kapulisan, wala na usab ang ulo sa maong lawas.
Apan, wala pa makumpirma ang tinuod nga hinungdan sa kamatayon tungod kay gikinahanglan pa nga mailhan una ang biktima aron mahimo ang hustong autopsy.
Gidala na Funeral Homes ang lawas alang sa husto nga pag-atiman ug dugang nga proseso.
Samtang nanawagan si Police Major Fidelito Viola Jr., Officer-in-Charge sa Bansalan Municipal Police Station, sa publiko nga kon adunay impormasyon o adunay nawad-an og sakop sa pamilya nga mahimong motakdo sa deskripsyon sa biktima, palihog ipahibalo dayon sa Bansalan Municipal Police Station aron mapadali ang pag-ila sa lawas ug ang imbestigasyon sa maong insidente.
