Gideklara sa National Jury of Elections (JNE) sa Peru ang kadaugan ni Keiko Fujimori sa bag-o lang nahuman nga runoff presidential election.
Sa sikit kaayo nga labaw nga duna lay hapit 50,000 ka botos, gipildi ni Fujimori ang iyang kaatbang nga si Roberto Sánchez. Nakakuha si Fujimori og 50.135% sa kinatibuk-ang botos batok sa 49.865% ni Sánchez. Gikatakda siyang manumpa isip bag-ong pangulo karong Hulyo 28, 2026, dungan sa Adlaw sa Kagawasan sa maong nasod.
Kini na ang ikaupat nga pagsulay ni Fujimori nga mahimong presidente human sa iyang kapildihan niadtong 2011, 2016, ug 2021. Ang iyang kampanya nakatutok sa pagsumpo sa kriminalidad ug pagpabalik sa kahapsay ug kalinaw sa nasod. Nakakuha siya og dako nga suporta sa kaulohang dakbayan sa Lima ug sa mga botante nga anaa sa gawas sa nasod, samtang si Sánchez usab ang nanguha sa mga botos gikan sa mga ruraal ug lumad nga komunidad.
Si Keiko nailang anak sa kanhi presidente nga si Alberto Fujimori, kinsa napriso kaniadto tungod sa isyu sa korapsyon ug paglapas sa tawhanong katungod. Tungod niini, pabilin nga pikas ang opinyon sa publiko sa iyang paglingkod—diin ang uban naglaum nga ibalik niya ang disiplina, samtang ang uban usab nabalaka sa pagbalik sa gitawag nga “Fujimorismo.”
Photo Courtesy: AAP / Bruno Elias SDS News
