Giaprobahan na sa Commission on Higher Education (CHED) ang aplikasyon sa lima ka State Universities and Colleges (SUCs) aron makatanyag og Doctor of Medicine program sugod sa school year 2026-2027.
Lakip sa mga giaprubahan ang Visayas State University, Eastern Samar State University, University of Eastern Philippines, Benguet State University ug Cotabato State University – Cotabato Regional Medical Center School of Medicine.
Ang maong lakang kabahin sa paningkamot sa gobyerno aron masulbad ang kakulang sa mga doctor ug uban pang health professionals sa nasud. Matud sa CHED, nakapasar ang lima ka SUCs sa tanang kinahanglanong sumbanan alang sa pagdumala sa Doctor of Medicine program.
Gilauman nga mas daghang estudyante gikan sa moang mga rehiyon nga kulang sa medical schools ang makakuha og higayon nga makatungha sa medisina ug mahimong doctor.
Dugang pa sa CHED, pinaagi niini nga programa, mas mapalapdan ang access sa dekalidad nga medical education ug makatabang sa pagpaayo sa serbisyo sa panglawas sa nagkalainlaing bahin sa nasud.
Photo Courtesy: Assistance.ph
