Walay pahulay alang sa mga bag-ong kampeon sa Barangay Ginebra human sila opisyal nga giapil sa Gilas Pilipinas final 12 lineup alang sa FIBA Basketball World Cup 2027 Asian Qualifiers.
Lakip sa mga napili sila si naturalized player Justin Brownlee, ug mga Ginebra stars nga sila Scottie Thompson, RJ Abarrientos ug Troy Rosario. Mag-atubang ang Gilas sa duha ka away batok sa New Zealand sa Hulyo 3 ug Australia sa Hulyo 6.
Dili makadula sa maong window sila Kai Sotto ug Quentin Millora-Brown, apan naglaum si Gilas head coach Tim Cone nga makatabang sa depensa ug rebounding si Mike Phillips.
Lakip usab sa line-up sila Justine Baltazar, AJ Edu, June Mar Fajardo, Chris Newsome, Kevin Quiambao, Dwight Ramos ug Carl Tamayo.
Tumong sa Gilas nga makabangon gikan sa ilang kapildihan sa Australia ug New Zealand sa miaging window aron mapalig-on ang ilang kampanya paingon sa 2027 FIBA World Cup.
Photo Courtesy: SEA Sports News
