Padayong nagbansay si Cebuano boxer Christian “Punchtian” Balunan alang sa posibleng ikaduhang oportunidad nga makig-away alang sa world title. Ang 24-anyos nga si Balunan anaa karon sa ikalimang ranggo sa International Boxing Federation minimumweight division ug posibleng makakuha og title shot sa dili pa matapos ang 2026.
Niadtong Hulyo, gipukan niya sa fourth round si Arvin John Sampaga sa ilang away sa Tagbilaran City. Matud ni Balunan, mas naningkamot siya sa iyang training human sa unang kapildihan aron mas molambo ang iyang abilidad sulod sa ring.
Karon, nagpadayon siya sa pagbansay ubos sa paggiya ni trainer Edito Villamor samtang naghulat sa sunod niyang dakong oportunidad sa boksing.
Photo courtesy: PMI Bohol Boxing Stable
