Gipasidan-an sa China nga kinahanglan manubag ang Taiwan sa posibleng mga sangpotanan sa paggamit sa water cannon batok sa usa ka Chinese fishing boat sa South China Sea.
Sumala sa taho, nahitabo ang insidente human giingong wala motuman ang Chinese fishing boat sa pasidaan nga mopahilayo sa restricted waters duol sa Pratas Islands nga kontrolado sa Taiwan. Nakaangkon og problema sa makina ang sakayan ug giguyod kini sa laing barko sa China. Matud ni Chen Binhua, tigpamaba sa China, ang Beijing nag-angkon og soberanya sa mga isla ug kasikbit nga katubigan.
Apan gipasiugda sa usa ka opisyal sa Taiwan nga lehitimo ug maampingon ang ilang pagpatuman sa balaod. Wala maghisgot ang China sa posibleng sunod nga lakang niini, samtang nagpadayon ang tensiyon tali sa duha ka kampo tungod sa panaglalis sa teritoryo ug seguridad sa rehiyon.
Photo courtesy: GOOGLE
