Magdepende sa gitakdang qualification standards sa Department of Education (DEPED) ang pag-apil sa mga magtutudlo sa Expanded Career Progression Program (ECP).
Matud ni DEPED-9 Regional Director Ronelo Al K. Firmo ,aduna lay maximum nga tulo ka salary grade ang pwedi nga maaplayan sa mga magtutudlo subay usab sa gitakda sa Expanded Career Progression Program.
Pagpaklaro ni RD Firmo, sa karon kutob pa lang sa Teacher VI ang pwedi nga ma-aplayan sa mga magtutudlo alang sa pagpasaka sa ilang mga ranggo gumikan wala pay mo-qualify sa Teacher VII.
GIPASIUGDA sa ni RD Firmo nga ang pag-aplay sa mas taas nga ranggo ubos sa Expanded Career Progression Program mag-agad sa pagtuman sa gitakdang qualification standards.
Importante usab matud pa nga masuta sa mga magtutudlo ang ilang kwalipikasyon ug ang mga kinahanglanon sa programa sa dili pa moaplay alang sa pag-uswag sa ilang ranggo.
