Nagpahigayon og LTO Caravan ang Land Transportation Office (LTO) Davao de Oro sa lungsod sa New Bataan kagahapong Oktubre 15, 2026. Katuyoan aron mapaduol sa mga residente ang mga serbisyo sama sa pagkuha og student permit ug pag-renew sa driver’s license.
Atol sa maong kalihokan, nahinabi sa Juander Radyo Nabunturan News Team si Angelo Tiongson, Public Utility Regulation Officer sa LTO Davao de Oro. Matod niya, kabahin kini sa pagpatuman sa Memorandum of Agreement o MOA tali sa LTO ug sa lokal nga kagamhanan sa Probinsya sa Davao de Oro.
Padayon ang LTO Davao de Oro sa paghatod sa ilang mga programa ug serbisyo sa nagkadaiyang lugar sa probinsya aron mas mapadali ang pag-avail sa mga serbisyo sa ahensya ug maserbisyohan ang mga katawhan.
