Usa ka talagsaong kaso sa Canada ang nakapukaw sa interes sa mga eksperto sa mental health ug neuroscience, human ang usa ka 19-anyos nga lalaki nga dugay nang nag-antos sa severe obsessive-compulsive disorder (OCD) nakalingkawas sa usa ka self-inflicted gunshot wound sa iyang ulo niadtong 1980s.
Sumala sa mga doktor, sa proseso sa pagluwas sa iyang kinabuhi, ilang nakit-an nga ang bala nakalubong sa left frontal lobe sa iyang utok. Sa nakita sa mga espesyalista, pagkahuman sa iyang pagka-recover, daghan sa iyang obsessive nga hunahuna ug compulsive nga pamatasan hinay-hinay nga nawala.
Ang maong kaso gidokumento ni Psychiatrist Dr. Leslie Solyom ug iyang mga kauban, ug gipatik sa usa ka medical journal niadtong 1987. Hangtod karon, kini padayon nga gitun-an sa mga researcher nga nagtuon kung giunsa paglihok sa utok sa mga tawo nga adunay OCD, ug kung unsa ang papel sa frontal lobe sa maong kondisyon.
Ang kasinatian sa usa lang ka pasyente nahimong hinungdan sa dugang pangutana ug pagtuon sa siyensya nga hangtod karon wala pa hingpit masulbad.
Photo Courtesy:Wild Heart
