Mas daghang Amerikano ang adunay pabor ug positibo ang pagtan-aw kang Barack Obama kumpara sa iyang mga misunod nga presidente, sumala sa bag-ong survey nga gihimo sa SSRS.
Gipakita sa resulta nga 57 porsyento sa mga respondent ang adunay positibong opinyon kang Obama. Sa maong survey, 34 porsyento lamang sa mga Amerikano ang adunay pabor pagtan-aw kang Donald Trump, samtang 30 porsyento usab ang mipakita og pabor opinyon kang Joe Biden.
Gipadayag usab sa report nga mas taas kaayo ang suporta kang Obama gikan sa mga independent voters, diin labaw pa sa doble ang iyang rating kumpara kang Trump ug Biden.
Dako usab ang pagsalig ug suporta nga iyang nadawat gikan sa mga miyembro sa iyang kaugalingong partido.
Bisan pa man nga mga usa lamang sa matag lima ka Republicans ang adunay positibong pagtan-aw kang Obama, mas taas gihapon kini kumpara sa gidaghanon sa mga Amerikano nga andam mosuporta sa mga lider nga gikan sa laing partido, ilabi na kang Trump ug Biden.
Photo Courtesy: CNN
