Dili maminos sa 33 ka indibidwal, diin kadaghanan mga bata nga nag-edad og 6 hangtod 14 anyos ug usa ka maestro, ang namatay samtang kapin sa 45 ang nangaangol human kalit nga nahugno ang atop sa pribadong Al-Khair Education Center sa Dir Colony, Peshawar, Pakistan niadtong Oktubre 15, 2026.
Nagsugod pa lang ang mga klase sa buntag sa dihang nahugno ang atop sa ikatulong andanas sa maong gambalay, nga nagresulta usab sa pagkahulog sa mga kisame sa ubos nga mga classroom hinungdan naipit ang mga estudyante sa ilalom sa mga semento ug tipaka.
Base sa imbestigasyon ni Peshawar Police Chief Mian Saeed, gibutyag nga substandard ug overloaded sa materyales ang atop bisan pa nga dili na kini kaya sa pundasyon sa maong estruktura. Tungod sa maong duguong trahedya, nagmando dayon si Pakistani Prime Minister Shehbaz Sharif og makuting imbestigasyon samtang gidakop na ang tag-iya sa tunghaan sa kapolisan tungod sa pan ug paglapas sa building code, samtang nagpatawag sab og provincial safety audit sa tanang tunghaan si Khyber Pakhtunkhwa Governor Faisal Karim Kundi.
Photo courtesy: KOMU/AP
